Mahigit 1,500 vials ng COVID-19 vaccine ng Sinovac ang dumating sa Batanes

Dumating sa Batanes ang panibagong batch ng mga bakuna kontra COVID-19.

Ang mga bakuna ay dumating sa lalawigan sakay ng Blackhawk chopper ng Philippine Air Force.

Gagamitin ang mga bakuna para sa nalalabi pang frontliners ng Batanes na hindi pa nababakunahan o iyong mga nasa A1 category.

Iaanunsyo ang petsa ng isasagawang vaccination ng iba’t ibang Rural Health Units (RHU).

Nagpasalamat naman ang pamahalaang panlalawigan ng Batanes sa AFP, OCD at sa Department of Health Regional Office 2 sa mabilis na pag-deliver ng ika-apat na batch ng COVID-19 vaccine.