Mahigit 193,000 doses ng Pfizer vaccines dumating na sa bansa
Dumating sa bansa Lunes (May 10) ng gabi ang unang 193,050 doses ng Pfizer vaccines na donasyo ng WHO-led COVAX facility.
Dumating ang mga bakuna sa Ninoy Aquino International Airport (NAIA) sa Pasay City.
Ayon kay Health Secretary Francisco T. Duque III, ang mga dagdag na bakuna ay gagamitin para sa priority groups A1 to A3.
Nagpasalamat naman si Duque sa COVAX facility para sa donasyon.
Sa pagdating ng mas maraming doses ng COVID-19 vaccine sa bansa, mas maraming mamamayan na ang mababakunahan.
