Kaso ng COVID-19 sa bansa nadagdagan ng mahigit 7,000; 108 pa ang pumanaw

Nakapagtala ng mahigit 7,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Biyernes, May 7 ay 1,087,885 na ang kabuuang bilang ng kaso ng COVID-19 sa bansa.

Sa magdamag, umabot sa 7,733 ang dagdag na mga kaso.

Sa kabuuang bilang ng COVID-19 cases, 1,003,160 ang gumaling o katumbas ng 92.2 percent makaraang makapagtala pa ng dagdag na 4,227 na gumaling.

66,626 naman ang active cases o katumbas ng 6.1 percent.

18,099 na ang kabuuang death toll sa bansa o 1.66 percent makaraang makapagtala ng dagdag na 108 pang pumanaw.