Panibagong 1.5 million doses ng Sinovac COVID-19 vaccine dumating na sa bansa
Dumating na sa bansa ang panibagong 1.5 million doses ng COVID-19 vaccine.
Lulan ng Cebu Pacific flight ang mga bakuna nang lumapag sa Ninoy Aquino International Airport (NAIA) Biyernes (May 7) ng umaga.
Ang nasabing mga bakuna ay bahagi ng Sinovac doses na binili ng Pilipinas.
Sa ngayon ay umaabot na sa 5 million doses ng Sinovac ang dumating sa bansa simula noong February 28.
