Limang biyahero galing India nagpositibo sa COVID-19

Nilinaw ng Department of Health (DOH) na hindi anim kundi lima lamang na biyahero mula India ang dumating sa bansa at nagpositibo sa COVID-19.

Nakapasok sila sa bansa bago maipatupad ang travel ban sa lahat ng biyahero galing ng India.

Ayon sa DOH, nakapagtala ng 149 na pasahero ang Bureau of Quarantine na pawang mayroong travel history sa India.

129 sa kanila ay pawang overseas Filipinos at 20 naman ang dayuhan.

Lahat sila ay isinailalim sa quarantine nang dumating sa bansa at isinailalim sa swab test.

Lima ang nagpositibo sa COVID-19 habang 137 naman ang negatibo ang resulta.

Habang patuloy pa ang beripikasyon sa test results ng pito pang pasahero.

Magugunitang nagpatupad ng travel ban ang pamahalaan simula noong April 29 sa lahat ng biyahero na galing o may history ng pagbiyahe sa India.