WATCH: Utos ni Pangulong Duterte sa PNP, ikulong ang mga hindi nagsusuot ng face masks
Inatasan ni Pangulong Rodrigo Duterte ang Philippine National Police (PNP) na ikulong at imbestigahan ang mga makikitang hindi nakasuot ng face mask o ang mga hindi nagsusuot nito sa tamang paraan.
Sa kaniyang talk to the people, Miyerkules (May 5) ng gabi sinabi ng pangulo na kritikal ang pangagailangan sa pagsusuot ng face mask para mahinto ang pagtaas ng kaso ng COVID-19.
Sinabi ng pangulo na kung mayroong makikitang hindi nagsusuot ng face mask o wala sa tama ang pagsusuot nito ay dapat silang arestuhin at ikulong.
Ipinaliwanag naman ni Duterte ang pagtatanggal niyan minsan ng face mask kapag nagsasagawa ng talk to the nation.
Aniya, kailangan niya itong gawin para mas maging malinaw ang kaniyang pagsasalita.
