UPCAT para sa SY 2025-2026 itinakda sa Agosto

Sa August 10 at 11, 2024 gaganapin ang University of the Philippines College Admission Test (UPCAT) para sa School Year 2025-2026.

Ayon sa anunsyo ng UP Office of Admissions, sa April 15, 2024 bubuksan ang online applications.

Maaaring mag-apply ang mga kasalukuyang Grade 11 students na magiging Grade 12 students na pagsapit ng petsa ng UPCAT.

Sa buwan din ng Agosto kailangang i-upload ng mga aplikante sa portal ang kanilang grades.

Kailangan ding isumite ang hard copy nito sa UP Office of Admissions.

Magugunitang noong Hunyo muling ibinalik ang UPCAT matapos itong pansamantalang ihinto dahil sa pandemya ng COVID-19.

Ang mga incoming first year college sa School Year 2024-2025 ay kumuha ng UPCAT noong June 2023. (DDC)