Indonesian President Joko Widodo nabakunahan na kontra COVID-19

Nabakunahan na kontra COVID-19 si Indonesian President Joko Widodo.

Ngayong araw ng Miyerkules (Jan. 13) tumanggap si Widodo ng unang dose ng COVID-19 vaccine ng Sinovac sa presidential palace.

Matapos si Widodo ay tumanggap din ng bakuna ang mga miyembro ng gabinete.

Hudyat ito ng pormal na pagsisimula ng vaccination program ng Indonesia sa kanilang mga mamamayan.

Tinatayang aabot sa 1.48 million na health workers ang unang babakunahan ngayong linggo.

Sa buong buwan ng Enero ay inaasahang aabot sa 560,000 na mamamayan ng Indonesia ang mababakunahan.

Ang nalalabing 900,000 pa ay nakatakdang bakunahan sa Pebrero. (D. Cargullo)