Tatlo arestado sa buy-bust operation sa Lucena City

Arestado ang isang drug trafficker at dalawang sreet pusher sa ikinasang buy-bust operation ng mga otoridad sa Lucena City.

Ayon sa Lucena City Police, ikinasa ang joint peration sa Ibabang Iyam ng katuwang ang mga tauhan ng Quezon police at PDEA.

Sa nasabing operasyon ay naaresto ang mga suspek na sina Maricris Deocales, 30; Neil Jansen Igloria, 27; at Rodrigo Brondo, 30.

Nakumpiska sa kanila ang 18 sachets ng shabu na may bigat na 65.6 grams at may street value na P1,338,240.

Patuloy ang imbestigasyon ng pulisya hinggil sa source ng illegal drugs ng mga suspek. (DDC)