March 20 idineklarang Regular Holiday para sa pagdiriwang ng Eid’l Fitr
Idineklara ng Malakanyang na Regular Holiday ang March 20, 2026 bilang paggunita sa Eid’l Fitr.
Ayon sa Malakanyang, inanunsyo ito mismo ni Pangulong Ferdinand R. Marcos Jr. sa pagtitipon na idinaos sa Malakanyang kasama ang Muslim community at Muslim leaders.
Sa ilalim ng deklarasyon, kinikilala ang kahalagahan ng paggunita sa Eid’l Fitr na pagtatapos ng holy month ng Ramadan.
Ipinaabot din ng Palasyo ang pagbati sa Muslim community sa buong bansa at sa iba pang panig ng mundo sa kanilang paghahanda sa pagdiriwang ng Eid’l Fitr kasama ang kanilang pamilya at komunidad. (DDC)
